Ҷойи 1-ум дар номинаи насб ва истифодаи воситаҳои электронии пардохт дар озмуни «Ташкилоти қарзии молиявии беҳтарин оид ба хизматрасонии бонувони соҳибкор» гирифтем

Аз ширкати байналмилалии Snapsec шаҳодатномае гирифтем, ки сатҳи баланди бехатарии Alif Mobi-ро тасдиқ мекунад

Се ҷоизаи нав аз системаи пардохтии Visa гирифтем: Fintech Vanguard, Best Visa Business Issuer ва Visa Direct Rising Star

Якҷоя бо Visa ва Garmin технологияи Garmin Pay-ро барои кортҳои Visa дар Тоҷикистон ҷорӣ кардем. Ин сатҳи нави бехатарӣ ва бароҳатии пардохтҳои бетамосро таъмин намуд.

Бо Mastercard шартномаи дарозмуҳлат оид ба барориши кортҳо бастем, то ки мизоҷон амалиётҳои молиявиро дар хориҷа боз ҳам осонтар анҷом диҳанд

1. The Digital Banker ба мо ҷоизаи Islamic Debit Card of the Year барои кортҳои Visa-амон тақдим кард. Акнун ин ҷоиза дар қатори дигар бонкҳои бузурги исломӣ дар сайти The Digital Banker ҷойгир аст.

2. Барои насб ва истифодаи воситаҳои электронии пардохт дар озмуни «Ташкилоти қарзии молиявии беҳтарин оид ба хизматрасонии соҳибкории бонувон» ҷои дуюмро ишғол намудем.

Бо ҳамроҳии Visa системаи пардохтии Google Pay-ро ворид намудем, то ки пардохтҳои бетамос боз ҳам осонтар шаванд.

Ширкати байналмилалии Snapsec ба мо шаҳодатнома тақдим кард. Платформаи Alif Business аз санҷиши осебпазирӣ бомуваффақият гузашта, мувофиқатро ба ҳамаи талаботи амниятӣ тасдиқ намуд.

Барои оғози муваффақи барориш ва қабули кортҳои Mastercard ҷоиза гирифтем.

1. Visa ба мо 8 ҷоиза тақдим кард, аз ҷумла: «Беҳтарин эмитенти ватанӣ», «Иштирокчии пешсафи Visa Direct», «Аввалин ҷорикунандаи Google Pay дар Тоҷикистон», «Беҳтарин ташкилкунандаи ҳалли пардохтҳои B2B», «Эмитенти пешқадами оммавӣ», «Маркетинги муваффақ бо Garmin ва GPay», «Аввалин ҳамгироии обуна дар барнома», «Оғози муваффақи Visa+».

2. Соҳиби се ҷоиза шудем:  «Беҳтарин лоиҳаи технологияи молиявӣ (Fintech)», «Беҳтарин майдони электронӣ (маркетплейс)», «Беҳтарин ширкат-таҳиякунандаи IT».

3. Барои ҷорӣ кардани Google Pay бо Mastercard дар Тоҷикистон соҳиби ҷоиза шудем.

4. Мақоми Google Partner бори дигар тасдиқ карда, касбият ва донишҳои худро дар соҳаи таблиғоту таҳлилот нишон додем.

Alif Shop ягона маркетплейс аз ИДМ гардид, ки аз байни 30 000 иштирокчиёни дигар ба рӯйхати 100 лоиҳаҳои муваффақи дунё таҳти EWC 2022 дохил шуд

Дар озмуни ҷумҳуриявии «Бренди сол — 2022» соҳиби якчанд ҷоиза гаштем:
— тилло дар категорияи «Ташкилоти молиявӣ»;
— нуқра ба интернет-мағозаи alifshop.tj барои пешбурди технологияҳои муосир;
— ва ҷоизаи биринҷӣ ба «Алиф Академия» барои саҳм дар фарҳанг ва маориф.

Барои кушодан ва пешбурди суратҳисоби бонкӣ дар озмуни «Ташкилоти қарзии молиявии беҳтарин оид ба хизматрасонии соҳибкории бонувон 2022» ҷои якумро ишғол намудем.

Аз агентии байналмилалии MicroFinanza Rating шаҳодатномаро бо рейтинги α- «Миёна» гирифтем, ки устувории молиявиамонро тасдиқ мекунад

Барои фаъолияти брокериву дилерӣ дар бозори коғазҳои қиматнок, инчунин барои идоракунии эътимоднокии онҳо дорои 3 иҷозатнома шудем

Эътироф ва мукофоти «Ба роҳмонии Visa Infinite ва Platinum дар Ҷумҳурии Тоҷикистон»-ро аз ҷониби низоми пардохти байналмилалии Visa гирифтем

Ҳаҷми пардохтҳои электрониро бо кортҳои Visa дар Тоҷикистон зиёд кардем ва мукофот гирифтем

Дар ҷоизаи ҳарсолаи «Глобальная сеть предпринимательства», ки дар Арабистони Саудӣ баргузор гардид, дар номинатсияи GENStarters Award 2022 мукофот гирифтем

Барномаи Alif Mobi-ро зиёда аз 1 миллион нафар насб карданд

1. Корти виртуалии Visa Digital-ро барои истифодабарӣ ба роҳ мондем, ки бо он метавонед онлайн-харидҳо кунед, маблағро қабул ё интиқол диҳед 

2. Терминалҳои cashout-ро ба кор даровардем. Акнун метавонед тариқи онҳо аз тавозуни ҳамён ё суратҳисоби корт пули нақд гиред 

3. Alif Mobi-ро зиёда аз 100 000 нафар истифода мебаранд

Аз сохтори молиявию технологии IFC ва ширкати Private Equity баҳри беҳтар кардани дастрасӣ ба хизматрасонии рақамии молиявӣ барои аҳолӣ ба миқдори $10 млн сармоягузорӣ ҷалб намудем

1. Шумораи истифодабарандагони барномаи мобилии Alif Mobi 500 000 нафарро дар бар гирифт 

2. Бо мақсади васеъ гардонидани дастрасии аҳолӣ ба хизматрасониҳои молиявӣ ва мустаҳкамкунии бахши маблағгузории хурд дар Тоҷикистон, бо «Фонди бозтамвил» шартномаи маблағгузориро ба имзо расонидем

Инфрасохтори барномаи Alif Mobi-ро ба технологияҳои абрӣ гузаронида, онро комилан аз нав тарҳрезӣ кардем. Имконияти идораи насияҳо, кортҳои Visa ва фардикунониро ворид намуда, коркуниашро барои садҳо ҳазор мизоҷон бемаҳдуду гуногунзабон гардонидем

1. Кортҳои гуногунасъори Alif Visa Gold, Platinum ва Infinite-ро бо имконияти гирифтани насия, интиқоли маблағ ва идораи пурра дар Alif Mobi таҳия намудем 

2. Дар даври навбатии сармоягузорӣ $8 млн ҳамчун сармоя ва $50 млн ҳамчун қарз ҷалб карда, дар минтақа яке аз финтех стартапҳои пешбар бо арзиши $100 млн баҳогузорӣ карда шудем 

3. Дар ҷаласаи солонаи Гурӯҳи Бонки Исломии Рушд ҳамроҳ бо 5 ширкати хориҷа сазовори ҷоизаи ICD's Global Finnovation Award 2020 шудем. Ҷоиза барои барномаи Alif Mobi ва корти насияи «Салом» тақдим карда шуд

1. Сармояи оинномавии бонкро ба маблағи 33 960 000 сомонӣ зиёд гардонидем 

2. Низоми автоматикунонидашудаи бонкии дуюмамонро дар асоси технологияҳои нав таҳия кардем

Иҷозатномаи БМТ №0000114 гирифта, номро ба «Алиф Бонк» иваз кардем

Бонки хусусии Швейтсария CBH Bank (Compagnie Bancaire Helvétique SA) аз мо ҳиссаро харид кард ва соҳибҳисса шуд

Мактаби барномасозии Алиф Академия кушодем, дар он ҷо ҳамаи хоҳишмандон метавонанд забони JavaScript-ро омӯзанд

Агентии рейтингии MicroFinanza Rating (Итолиё) ба мо дараҷаи молиявии BBB Stable тақдим кард

Дар номиятсияи Fastest Growing Retail Bank Tajikistan 2020 аз рӯи Global Banking & Finance ғолиб омадем

Дар Хуҷанд якум шартномаи автокредитро бо мизоҷамон бастем

Маркази омӯзишии ройгонро кушодем

Аз Кумитаи андози Ҷумҳурии Тоҷикистон барои иҷрои софдилонаи қонунгузории андоз ва саҳми назаррас дар қисми даромади буҷети давлатӣ, ифтихорнома гирифтем

Маблағгузории соҳибкори тоҷик — Хофиз Шахидиро аз Монако бомуваффақият ҷалб намудем. Дар натиҷаи гуфтушунид, Шахидӣ соҳиби 25% саҳмияҳо гардида, ба мақоми раиси Шӯрои директорон мушарраф шуд. Маблағҳои ҷамъшуда ба мо имкон доданд, ки барои гирифтани иҷозатномаи пурраи бонкӣ ариза пешниҳод намоем

Сазовори ҷоизаи тиллоии «Бренди сол — 2019. Қуллаи шараф» гардидем

1. Аввалин барномаи мобилӣ, Alif Mobi-ро таҳия кардем, ки имрӯз барномаи бузургтарин ва васеъ истифодашавандаи кишвар ба ҳисоб меравад 

2. Аъзои низоми байналмилалии интиқоли маблағҳо шудем

Корти овердрафти «Насия»-ро бо насия ба муҳлати 10 рӯз таҳия кардем

Корти «Салом»-ро таҳия кардем, ки ба мизоҷон имконият медиҳад, молҳоро дар вақти кӯтоҳ ба насия гиранд. Барои истифодаи ин корт Алиф таъминоти барномавиро таҳия намуд, ки смартфонҳои оддиро ба POS-терминалҳо табдил медиҳад. Тоҷирон онро барои фурӯши мол бо корти «Салом» истифода мебаранд

Сайти online.alif.tj-ро омода намудем, ки дар он мизоҷон амалиёти бонкии худро назорат карда метавонанд

Низоми автоматикунонидашудаи бонкии (АБС) худро ба роҳ мондем, ки дар дохили ширкат навишта шудааст. Низоми автоматикунонидашудаи бонкӣ барномаи хеле мураккаб буда, одатан аз ҷониби бонкҳои дигар аз ширкатҳои хориҷӣ харидорӣ карда мешавад. Мо дар Алиф бо таҳия ва роҳандозии системаи бонкии худ, қадами муҳимеро дар самти табдил ёфтан ба ширкати технологӣ гузоштем

Ба Маркази миллии протсессингӣ ворид шуда, пешниҳоди «Корти миллӣ»-ро ба мизоҷон оғоз кардем

Аввалин онлайн-мағоза, Alif Shop-ро дар кишвар ба роҳ мондем, ки дар он мизоҷон метавонанд молҳоро ба насия дастрас намоянд. Баъдтар, Alif Shop калонтарин онлайн-бозори B2C дар Тоҷикистон гардид

Алиф Академияро кушода, курсҳои ройгони барномасозӣ ба роҳ мондем

Дар Хуҷанд маркази хизматрасонии бонкиро кушодем

Дар кишвар аввалин платформаи онлайн-эквайринг, alif pay-ро сохтем, ки ба мизоҷон имконияти онлайн пардохт кардани хизматрасониҳо бо «Корти миллӣ»-ро медиҳад. Системае, ки Алиф истифода мебарад, дертар аз ҷониби дигар бонкҳо васеъ қабул карда шуд, ки давраи рушди босуръати технологияро дар кишвар оғоз намуд

Хизматрасонии «Бефоиз»-ро таҳия карда, насияи аввалинро пешниҳод кардем

Иҷозатномаи ТАҚХ — ташкилоти хурди қарздиҳӣ ва амонатиро аз тарафи Бонки миллии Тоҷикистон гирифтем. Аз ҳамон вақт Алиф ҳуқуқ дорад, ки амонат кушояд, амалиёти мубодилавӣ дар дохили кишвар ва берун аз он дошта бошад. Инчунин метавонад, ки хизматрасониҳои васеи молиявиро ба мизоҷон пешниҳод намояд

Аввалин суратҳисоби депозитиро кушодем

Аввалин барномаи хусусии идоракунии муносибатҳо бо муштариёнро (CRM) тарҳрезӣ карда, соли 2016 ба роҳ мондем

Барои хизматрасониҳои қарздиҳии хурд аз Бонки миллии Тоҷикистон иҷозатнома гирифта, аввалин шартномаи автокредитро бастем

Аввалин бор қарз (сармоягузорӣ) ҷалб намудем